翠湖海鮮酒家

營業中

休息中

翠湖酒樓原來開左嚟元朗勁意佢個川味豬手，之前特登去西灣河嗰間食，食完仲要外賣。元朗呢間同另一間酒樓合併全層，舊式酒樓style, 點心勁大件, 又大碟。💟叉燒飯$38成兩碗飯咁多，叉燒蜜味夠，唔太肥。上枱大碗，連傳菜阿姐都讚，啲阿姐服務態度幾好。💟川味豬手$58唔夠入味，好似啱啱淋啲汁上去，後尾食完曬打包返屋企浸左陣先夠味。個汁有沙薑、豉油、花椒油、味精、糖等等，出面好少食到呢種味道。💟椒鹽鮮魷少少過火，但都好味香脆。💟燒賣入面有四隻蝦，多蝦少肉。