川味雞烤魚大王 (隆亨商場) (已結業)

今次食呢間川味雞烤魚大王，位於大圍，係屋村範圍地舖嚟嘅，泊車方便。餐廳食物款式都多。重慶麻辣烤魚 (⭐⭐⭐⭐⭐)佢烤魚有幾款，有重慶麻辣烤魚、泡椒烤魚等等，可以選辣度，由BB辣去到大辣，另外仲有唔辣嘅酸菜烤魚。烤魚好大份，辣椒鋪喺面好有風味。入邊仲有薯仔、白蘿蔔、腐皮等等。辣味融入去，令人垂涎三尺。首先要煮兩三分鐘，等啲水滾咗再將啲水倒落魚身，令到魚都可以傳熱熟透，而且味道更加香濃。啲魚非常之鮮嫩，令人越食越上癮，同時越食越流汗，建議帶定包紙巾。雪花肥牛 (⭐⭐⭐⭐💢)呢款特級雪花肥牛，望落正正常常，但係原來食落都幾林，易熟。配埋剛剛食重慶烤魚嘅湯底，就真係幾滿足。佢另外有一款手切安格斯肥牛，貴啲，不過我哋未有選擇呢款，下次有機會再食。紅油抄手 (⭐⭐⭐⭐⭐)紅油抄手份量都幾多，雲吞大大粒。價錢50蚊左右。招牌口水雞 (⭐⭐⭐⭐⭐)招牌口水雞有全隻、半隻同例牌。我哋點咗例牌$48 。口水雞隻雞嘅份量都幾多，佢個汁令到啲雞非常入味，再有啲花生雲耳等等嘅配菜，口感都幾豐富，作為前菜係唔錯嘅選擇。益力多沙冰 (⭐⭐⭐⭐⭐)沙冰嘅賣相都唔錯，味道甜度適中，用嚟配辣嘢可以解渴又可以解辣。獅威啤酒