江川日式料理 (已結業)

Item: 江川日式料理
Rating: 3
Author: 蝗蟲同學

Egawa

59 食評

味道

環境

服務

衛生

抵食

銅鑼灣

$101-200

日本菜壽司/刺身

蝗蟲同學

等級4

21-3-2009近幾年開始 lunch 幫襯 proper 日本餐廳, 食到嘴都尖晒, 但作為窮鬼, dinner 時段當然無錢到呢 d 餐廳食壽司, 奈何口癮發作, 唯有食迴轉, 今次同朋友0黎到呢間未食過的江川, 叫了幾款壽司 (一碟兩件 unless specified otherwise), 3 款特價刺身 ($20 一客 5 片) 及一客清酒煮蜆試試.壽司叫做及格吧 (以迴轉0黎講):- 先講 d「手握」飯, 醋味近乎零, 內裡亦當然無 wasabi, 但(竟然)無一夾即散, 溫度 ok, 算係咁吧.- 海膽軍艦: 紫菜唔脆, 海膽微甘, 唔甜, 比板前的仲差少少, 不過以呢類食店0黎講, 算係咁了 -- 無理由將佢同呢度 (http://www.openrice.com/restaurant/commentdetail.htm?commentid=1973554) 比較0卦? - 三文魚籽軍艦: 紫菜一樣唔脆, 三文魚籽幾晶瑩, 食落就鹹而不鮮, 差呢度的 (http://www.openrice.com/restaurant/commentdetail.htm?c

21-3-2009

近幾年開始 lunch 幫襯 proper 日本餐廳, 食到嘴都尖晒, 但作為窮鬼, dinner 時段當然無錢到呢 d 餐廳食壽司, 奈何口癮發作, 唯有食迴轉, 今次同朋友0黎到呢間未食過的江川, 叫了幾款壽司 (一碟兩件 unless specified otherwise), 3 款特價刺身 ($20 一客 5 片) 及一客清酒煮蜆試試.

壽司叫做及格吧 (以迴轉0黎講):
- 先講 d「手握」飯, 醋味近乎零, 內裡亦當然無 wasabi, 但(竟然)無一夾即散, 溫度 ok, 算係咁吧.
- 海膽軍艦: 紫菜唔脆, 海膽微甘, 唔甜, 比板前的仲差少少, 不過以呢類食店0黎講, 算係咁了 -- 無理由將佢同呢度 (http://www.openrice.com/restaurant/commentdetail.htm?commentid=1973554) 比較0卦?

- 三文魚籽軍艦: 紫菜一樣唔脆, 三文魚籽幾晶瑩, 食落就鹹而不鮮, 差呢度的 (http://www.openrice.com/restaurant/commentdetail.htm?commentid=1955167) 唔少. 不過都係0個句, 迴轉店嘛, 算啦.
- 牡丹蝦 (1 件): 呢個新鮮度不錯, 幾甜, 肉亦爽實. 如果可以「兩食」就好了.
- 玉子: 夠甜, 唔夠香, 不過都有汁. 始終無燒過凍凍的, 都幾難會好食.
- 蟹棒: 穩陣之選, 叫做 ok, 雖然沙律醬稀稀的, 其實幾樣衰...
- 仲有一隻叫「熱情沙漠」的三角形「創作卷物」: 類似「加州反卷」, 餡料係牛油果及蟹柳,「外牆」就係黃黃綠綠 (!?) 的蟹籽 (定飛魚籽?) 及少量沙律醬, 味道其實可以預計, 但呢款 d 飯好軟腍 (唔知點解?), 加上整體幾無味0下, 印象麻麻.
- 另外仲有及三文魚: 無食三文魚, 帆立貝就食0左都唔記得...

刺身類就唔係好得 (即使以迴轉0黎講),「難怪」「特價」!
- 劍魚: 爽身, 魚味 ok, 呢款 ok 的.
- 藍鰭吞拿魚: 是否「藍鰭」無從考究, 只食到魚味 ok, 但咬落好好好好腍的.

- 三文魚: 腍得帶點霉, 食落無味,「三文魚癡」朋友都話唔掂, 早知我就堅持唔食...

最後的清酒煮蜆就幾好食: 清酒的苦澀味已渾發, 剩返蜆仔的鮮味, 配上木魚湯底, 無沙又好清甜, 估唔到又不錯喎.