影片
更多
2023-08-10
94 瀏覽
約咗朋友嚟尖沙咀聚舊，咁耐冇見，當然要搵間坐得舒服又多特別嘢食嘅地方喇。心大心細，唔知揀邊間好，幸好友人早有準備，訂咗金巴利道嗰間「圓山飯店」。餐廳主打川粵台精品料理，而近排更增設了一系列避風塘海鮮菜式，選擇非常多元化，照顧到唔同食客嘅需要。先嚟碟皮蛋肉鬆豆腐 ($62) 做前菜，皮蛋蛋黃溏化，稀軟金黃無苦味；肉鬆乾身有肉香；豆腐質地好滑溜，豆香味很濃，配上微酸嘅醬汁和蔥花，非常適合夏天食用。台式小籠包 ($38) 小籠包外皮很薄，一咬下就流出啖啖肉汁；餡料嘅調味亦啱啱好，肉味鮮甜有口感，帶油脂甘香。台式胡椒餅 ($38) 胡椒餅一客有三件，外層酥皮食落好鬆脆，肉餡濕潤飽滿，滲著濃厚嘅胡椒香氣，味道不俗。另外呢客蚵仔卷 ($48) 水準亦一流，用春卷皮包住滿滿嘅蚵仔同肉碎，入口鬆脆又唔油膩，香口惹味。春風香脆百花腸粉 ($43) 春風即係指腸粉裡面包住炸春卷，春卷入面有大大嚿爽身彈牙嘅蝦肉，咬下外軟內脆，極富層次感。香辣口水雞 ($75) 雞件分量啱啱好，肉質嫩滑又無渣，面頭鋪滿炸至脆身嘅辣椒蓉，花生，蔥花和芝麻粒，入口辛香麻辣，充滿四川風味。另外呢碟冰鎮咕嚕肉 ($168
約咗朋友嚟尖沙咀聚舊，咁耐冇見，當然要搵間坐得舒服又多特別嘢食嘅地方喇。心大心細，唔知揀邊間好，幸好友人早有準備，訂咗金巴利道嗰間「圓山飯店」。
餐廳主打川粵台精品料理，而近排更增設了一系列避風塘海鮮菜式，選擇非常多元化，照顧到唔同食客嘅需要。
先嚟碟皮蛋肉鬆豆腐 ($62) 做前菜，皮蛋蛋黃溏化，稀軟金黃無苦味；肉鬆乾身有肉香；豆腐質地好滑溜，豆香味很濃，配上微酸嘅醬汁和蔥花，非常適合夏天食用。
台式小籠包 ($38) 小籠包外皮很薄，一咬下就流出啖啖肉汁；餡料嘅調味亦啱啱好，肉味鮮甜有口感，帶油脂甘香。
台式胡椒餅 ($38) 胡椒餅一客有三件，外層酥皮食落好鬆脆，肉餡濕潤飽滿，滲著濃厚嘅胡椒香氣，味道不俗。
另外呢客蚵仔卷 ($48) 水準亦一流，用春卷皮包住滿滿嘅蚵仔同肉碎，入口鬆脆又唔油膩，香口惹味。
春風香脆百花腸粉 ($43) 春風即係指腸粉裡面包住炸春卷，春卷入面有大大嚿爽身彈牙嘅蝦肉，咬下外軟內脆，極富層次感。
香辣口水雞 ($75) 雞件分量啱啱好，肉質嫩滑又無渣，面頭鋪滿炸至脆身嘅辣椒蓉，花生，蔥花和芝麻粒，入口辛香麻辣，充滿四川風味。
另外呢碟冰鎮咕嚕肉 ($168) 亦係必點之物，成品選用優質梅頭肉，經脆炸後裹上糖醋汁，食落肉質好鬆化，味道酸甜適中，加上冰鎮煙霧效果，未食已感到清涼。
壓軸點了一碟台灣香腸炒飯 ($95) 米飯炒得剛剛好，不乾不濕，配料有雞蛋、台灣香腸同菜脯。香腸油香味十足，配埋咸香嘅菜脯，增添一份爽口，十分好吃！
張貼
