影片
更多
2021-10-14
38 瀏覽
約咗男友去銅鑼灣食晚飯，今日揀咗食川菜😆🌶上到嚟餐廳當下嘅感覺係: 好靚呀！裝修好精緻加埋個無敵靚景，未開始食飯已經賞心悅目🥰。我哋首先嗌咗幾款小食，青椒皮蛋、蒜泥拍青瓜、酸辣魚皮。我個人就最喜歡酸辣魚皮，魚皮夠晒爽脆，配搭酸酸辣辣嘅醬汁，好上癮又夠晒開胃🤩。主菜我哋嗌咗水煮辣牛肉、黃金南瓜。第一次試水煮系列🤭我覺得幾好食，因為唔係死辣、辣到呀媽都唔認得。辣中帶點油香，而且牛肉超級滑嫩、寛粉吸晒啲精華夠晒入味😋😋如果配埋白飯簡直一流！另一個主菜係黃金南瓜，口感綿綿嘅南瓜表層沾上蛋黃醬，感覺好新鮮，唔錯！最後再上埋甜品，紅糖冰粉🤰🏻，坊間比較少有嘅甜品，食完辣嘢再配埋呢個甜品，係一個完美嘅ending🧚🏻♀️
我個人就最喜歡酸辣魚皮，魚皮夠晒爽脆，配搭酸酸辣辣嘅醬汁，好上癮又夠晒開胃🤩。主菜我哋嗌咗水煮辣牛肉、黃金南瓜。
第一次試水煮系列🤭我覺得幾好食，因為唔係死辣、辣到呀媽都唔認得。辣中帶點油香，而且牛肉超級滑嫩、寛粉吸晒啲精華夠晒入味😋😋如果配埋白飯簡直一流！另一個主菜係黃金南瓜，口感綿綿嘅南瓜表層沾上蛋黃醬，感覺好新鮮，唔錯！最後再上埋甜品，紅糖冰粉🤰🏻，坊間比較少有嘅甜品，食完辣嘢再配埋呢個甜品，係一個完美嘅ending🧚🏻♀️
張貼
