好川好菜 (已結業)

同朋友午餐搵到間川菜，我哋睇睇餐牌就睇下有咩好食，就先叫咗麻婆豆腐，食麻婆豆腐就知道間餐廳嘅川菜質素同埋廚師功駕到唔到家，呢一間食到真係好有川菜風味，麻婆豆腐唔會好辣，但係好有麻香，而且豆腐夠滑，加埋個醬汁好惹味，撈飯真係食好多。另外嗌咗鮑魚乾燒鍋，有八隻鮑魚真係有好多，而且鮑魚煮到啱啱好，唔會好老，食落去食得出鮑魚係好新鮮，帶有少少辣味嘅香。再加咗個韭菜煎餃咬，落去唔會好油，而且充滿韭菜，食落韮菜味好香。餐廳食物質素唔錯，而且價唔貴，正！