萌 (已結業)

話說呢日同駿業街極有緣。抵死到早午晚來回左呢度三次。成條街都係工商食三用嘅大廈。我諗真係得觀塘區呢度先有嘅特色。本來上黎係諗住飲杯嘢。點知見到有枱燒得好過癮。就燒埋一份。天口熱食慾不太強。店員就話不如唔好點菜住。食過蕃茄果凍開一開胃先慢慢諗食乜。嘩！你個頭盤真係適合唔同程度嘅食欲不振患者服用。番茄微甜配上蘋果醋果凍。胃液分泌急速上升。打開餐牌選擇實在太多。為左試多幾件就要左個萌之牧場。姐係黑毛和牛燒肉拼盤。六款唔同部位每樣兩件。和牛油份既豐富程度唔洗多講。肩位同肋肉肉味比較濃同多層次。極讚既係全程店員代勞燒。坐低等食就得。在一輪火光閃爍後。一件一件咁落肚。清左個架竟然已覺滿足！友人話想食魚咁當然冇問題啦咪叫囉。點知去洗個手返黎條魚竟然係雪糕鯛魚燒。燒到皮脆微焦。內裡唔會冰到敏感性牙齒。係唔錯既結尾。