Coti the Bistro (五芳街)

營業中

休息中

因為工作需要有時都要去新蒲崗。今日經朋友介紹先發現呢個工業區中竟然有一間咁靚嘅餐廳😍。佢空間感十足而且用左乾花等裝飾，有啲文青feel。食物方面我哋揀咗軟殼蟹蟹肉拌飯同煎慢煮西冷配薯菜沙律。隻炸軟殼蟹份量十足熱辣辣之餘咬落仲十分Juicy。西冷牛扒我哋點咗五成熟口感非常好而且好有牛味😋。呢度仲可以加錢轉特飲，我就要咗一杯抹茶鮮奶🍵，配咗簡單嘅拉花已經令人特別開心。估唔到呢度嘅甜品都可以令我好有驚喜，佢有呢排好興嘅巴斯克芝士蛋糕🥧，佢好重芝士味又唔會太膩，我地仲叫左Lotus 芝士脆餅，係焦糖味脆脆加上甜甜地嘅芝士餡。甜品上枱嘅時候隻碟仲用朱古力醬同玫瑰花瓣做咗裝飾，女士見到都包保心心眼😍。大家下次去開新蒲崗，想休息嘅時候不如就嚟試一試呢間餐廳啦！👍🏼