Red Rice 米飯主題餐廳 (億利工業中心)

營業中

休息中

自從係觀塘工業區食過多次水準唔錯嘅餐廳，已經對工業區嘅餐廳改觀鳥，今次傾完生意，係樓下見到有間裝修唔錯嘅餐廳，吸引咗我入去幫襯。點咗一紅一白湯，足料，由其係羅宋湯，記憶中未飲過羅宋湯會咁大舊牛腩。食親鰻魚飯，都係得果半條，餐牌上見到有個原條鰻魚鐵板飯，都只係68蚊喎，我單單買條燒鰻魚最平都成40蚊啦，重要鐵板上，唔洗多考慮啦！另外再點咗一個7成西冷牛扒，后來先知道原來加錢可以轉鐵板，總之加錢啦！原本想點8成，但經驗話我知餐廳通常都會煮過咗火，所以點生小小，但牛扒上枱后，又真係7成喎！聽話喎！牛扒點咗蒜蓉汁，個蒜蓉汁絕對係驚喜，其他餐廳D扒汁味道經常過重過咸咸過我，我自問重口味都頂唔順！但眼前嘅蒜蓉汁味道啱啱好，再加上牛扒本身已經入味，即使點埋蒜蓉汁一齊放入口都唔會出現味道過重，抵讚啦！西冷牛扒本身已經入味，唔需要點汁已經好好味，所以我都無點太多蒜蓉汁。原條鰻魚飯無吹水真係原條上，再加上底部有飯焦，一次過滿足哂兩個願望！鰻魚入口無渣，塊鐵板係熱辣辣，咁嘅價錢有咁嘅質素，Like 爆囉。