桂月 (已結業)

講起酒吧第一時間並吾會諗起深水埗，搵到都算驚喜😁有個同事住深水埗，今次同佢發掘到一間格調酒吧，環境十分型格，工業風設計近年都頗為流行。✿ 慢煮牛臉肉墨西哥夾餅 $88𝗧𝗮𝗰𝗼𝘀平時冇乜餐廳食到，每塊夾餅餅皮都吾會好厚，餅類食物太厚會好易漏。一件件牛臉肉牛肉味香濃，頗有嚼勁，加上少少芝士🧀更添滋味🇲🇽✿ 慢烤法國春雞配香濃忌廉芋頭汁 烤春雞啖啖肉，肉質嫩滑，經過烤製過程肉汁仍能被鎖住。配以芋頭汁確實新穎，春雞本身都有明顯味道，芋頭汁稠身，更能帶出春雞鮮味。✿ 脆炸鱈魚西西里蕃茄醬意大利飯 $128又一個新穎組合，脆炸鱈魚外脆內軟，脆炸部分吾油膩，鱈魚幾滑同埋新鮮。蕃茄醬味好濃，同意大利飯混合，酸酸mei mei都開胃。✿ 𝗪𝗵𝗮𝘁 𝗮 𝗣𝗲𝗮𝗰𝗵! $68食西餐飲𝗺𝗼𝗰𝗸𝘁𝗮𝗶𝗹正🍹由蜜桃🍑青提子、新鮮菠蘿汁🍍檸檬水🍋製成，味道較甜，同好多菜式配搭都適合。✿ 𝗗𝗲 𝗟𝘂𝗻𝗮 $78餐廳甜品結合中西合璧風格，𝗗𝗲 𝗟𝘂𝗻𝗮有雲呢拿雪糕🍦水信玄餅🌸士多啤梨🍓柑橘🍊果肉、爆珠，員工更會為客人噴灑桂花酒，增添清新香氣。整個組合酸甜可口，為晚餐劃上美好句號。