影片
更多
2022-02-26
36 瀏覽
早排又凍又落雨，宅咗喺屋企幾日終於出街行下🤣依間位於天后嘅兩層cafe，空間感同採光度十足，舒服嘅環境令到生活節奏都放慢咗咁😚• All day breakfast 整體嚟講係一個水準唔錯嘅All day，蘑菇炒至乾身微焦，有濃烈嘅牛油香味，炒蛋夠滑身，煙肉鹹香脆口配搭塗滿牛油嘅鬆脆多士，口感一流，仲有豬肉腸、煙三文魚、薯餅等好豐富🤤• Vegan soba $70健康輕盈又飽肚嘅選擇。喺蕎麥麵上面嘅配料有蕃茄同秋葵，本身其實仲有南瓜，不過我自己唔鐘意食就走咗南瓜～蕃茄有調味過就咁食味道都唔會寡，拌入濃稠麵豉汁食落更加豐富，醬汁帶少少酸幾開胃清新😌• Ovenbaked apple crumble caramel sauce $90一𢳂落去就聞到勁香嘅肉桂味，食落就冇聞落咁重肉桂味，同蘋果片清甜嘅味道融和，配合得好好，精粹在於面頭嘅crumble碎，鬆化富牛油香，一齊食好幸福😚• Hot chocolate $60凍冰冰嘅天氣最啱嚟一杯暖笠笠嘅熱朱，依杯熱朱真係唔講得笑，選用玻利維亞66%嘅黑朱古力，朱古力味香得嚟飲到有蜂蜜同花香味，唔覺得膩口反而仲幾fresh，值得encore🧡•
依間位於天后嘅兩層cafe，空間感同採光度十足，舒服嘅環境令到生活節奏都放慢咗咁😚
• All day breakfast
整體嚟講係一個水準唔錯嘅All day，蘑菇炒至乾身微焦，有濃烈嘅牛油香味，炒蛋夠滑身，煙肉鹹香脆口配搭塗滿牛油嘅鬆脆多士，口感一流，仲有豬肉腸、煙三文魚、薯餅等好豐富🤤
• Vegan soba $70
健康輕盈又飽肚嘅選擇。喺蕎麥麵上面嘅配料有蕃茄同秋葵，本身其實仲有南瓜，不過我自己唔鐘意食就走咗南瓜～蕃茄有調味過就咁食味道都唔會寡，拌入濃稠麵豉汁食落更加豐富，醬汁帶少少酸幾開胃清新😌
• Ovenbaked apple crumble caramel sauce $90
一𢳂落去就聞到勁香嘅肉桂味，食落就冇聞落咁重肉桂味，同蘋果片清甜嘅味道融和，配合得好好，精粹在於面頭嘅crumble碎，鬆化富牛油香，一齊食好幸福😚
• Hot chocolate $60
凍冰冰嘅天氣最啱嚟一杯暖笠笠嘅熱朱，依杯熱朱真係唔講得笑，選用玻利維亞66%嘅黑朱古力，朱古力味香得嚟飲到有蜂蜜同花香味，唔覺得膩口反而仲幾fresh，值得encore🧡
• Hot cafe latte $45
張貼
