Toscana (已結業)

個人工作上有一個重大突破, 勁好人o既老闆知我想試TOSCANA, 特登book左個private room請晒成team食飯為我慶祝! 好感動呀!想試好野, 所以捨棄set menu要左a la carte. 頭盤:蟹肉魚籽沙律-- 沙律除左菜外, 仲有緑色類似gnocchi o既小麵糰. 蟹肉同魚籽都好鮮甜, 不過我比較喜歡有dressing o既沙律.主菜:龍蝦扁麵-- 蝦肉彈牙, 扁麵al dente, 不過唔係食過最好味o既龍蝦扁麵.自助甜品:作為甜品癡o既我, 基本上拎晒所有甜品黎食. 最好味係杯狀o既tiramisu同埋panna cotta. 其次係什果撻, 撻底好香脆. chocolate coffee mousse都okay. bread & butter pudding 就唔係我杯茶.咖啡-- 淡口左d, 不過伴上o既petit fours o既朱古力好好味!雖然話係我個人o既工作突破, 但係老闆好似仲開心過我! 平時都幾孤寒o既佢今次花左幾千蚊請食飯都面不改容. 能夠搵到咁o既老闆, 真係好好彩! 所以以後都要加倍努力!