影片
更多
2015-08-20
1359 瀏覽
今天星期日放假，下午約了一班久未聚頭的朋友一起食個Tea，順便了解下彼此近況。當大家商量定下在觀塘相聚時，我們便著手在網上搜尋一下有什麼聚腳點，偶然發現一間幾特別的Cafe，逐一齊去試吓……此Cafe藏身於巧明街的工廠大廈裡面，連大廈入口都隱蔽過人，隱藏於小巷裡面，但如果大家因為地點或入口欠佳而唔再去探索的話，那可能會係你嘅損失……因上到Cafe裡面嘅Vintage裝飾和格調，將令你嘅印象徹底改觀。乘搭舊式工廈的拉閘貨Lift上到5樓，推門而入已見到佔地幾千呎嘅空間，一行簡潔寬大嘅Open Kitchen，另一邊放滿簡約懷舊，琳瑯滿目嘅衣飾傢品，集Cafe，皮革飾物潮店及手作工作室於一身，四周充斥著復古工業風嘅佈置同擺設，忽爾好像回到了美國西部時代的小店。想不到的是雖然在星期日身處觀塘工業大廈裡，人流居然是絡繹不絕，我們需要等上30分鐘左右才有位。剛坐低，那張餐桌已令我眼前一亮---是一張由古舊船木造成的大門，翻新而成的木桌，懷舊味十足，我深深欣賞這張餐桌的手工及創意！而當待應遞上Menu給我時，又是另一份驚喜…居然是一本厚厚的古舊書本，Menu夾在中間，果然諗頭十足！我們一行人叫了3
此Cafe藏身於巧明街的工廠大廈裡面，連大廈入口都隱蔽過人，隱藏於小巷裡面，但如果大家因為地點或入口欠佳而唔再去探索的話，那可能會係你嘅損失……因上到Cafe裡面嘅Vintage裝飾和格調，將令你嘅印象徹底改觀。
乘搭舊式工廈的拉閘貨Lift上到5樓，推門而入已見到佔地幾千呎嘅空間，一行簡潔寬大嘅Open Kitchen，另一邊放滿簡約懷舊，琳瑯滿目嘅衣飾傢品，集Cafe，皮革飾物潮店及手作工作室於一身，四周充斥著復古工業風嘅佈置同擺設，忽爾好像回到了美國西部時代的小店。想不到的是雖然在星期日身處觀塘工業大廈裡，人流居然是絡繹不絕，我們需要等上30分鐘左右才有位。剛坐低，那張餐桌已令我眼前一亮---是一張由古舊船木造成的大門，翻新而成的木桌，懷舊味十足，我深深欣賞這張餐桌的手工及創意！而當待應遞上Menu給我時，又是另一份驚喜…居然是一本厚厚的古舊書本，Menu夾在中間，果然諗頭十足！
我們一行人叫了3個lunch set，分別是粉色伏特加長通粉配意大利腸蓉，蛋沙律焗薯仔配田園沙律及菠菜煙三文魚薄餅，而今日餐湯為周打海鮮忌廉湯。
周打海鮮忌廉湯應該真係用海鮮加忌廉餚製而成，飲落順滑creamy，不是一般餐廳用罐頭湯，連忌廉塊狀物都未煮溶嘅行貨。
粉色伏特加長通粉配意大利腸蓉長通粉煮得煙韌彈牙，每條長通粉都充分被汁液包裹著，味道偏向少少甜甜地creamy似白汁，加上意大利腸蓉嘅咸味，調得剛剛好，而個汁雖然話有伏特加喺裡面，但完全感受唔到伏特加酒嘅辛辣，只是口裡有一點點麻，同時亦減輕了一般白汁的膩口感覺。
菠菜煙三文魚薄餅細Size Pizza上放上煙三文魚焗製，面頭再舖上新鮮Baby Spinach，論口味算是清新，味道亦適中，唯pizza嘅批底有點兩頭唔到岸，如果當是厚批，佢嘅口感唔夠軟綿，當是薄批的話，又唔夠crispy，個人覺得只是一般。
蛋沙律焗薯仔配田園沙律田園沙律配上油醋汁，尚算新鮮爽口，焗薯亦充分加了牛油焗製，酥香軟糯；唯一敗筆係蛋沙律裡面蛋嘅份量不足，我幾乎完全食唔到蛋粒，只是食到一大份甜酸嘅沙律醬同芝士，令到成個焗薯變得膩滯非常。
綜合來說，食物水準是有改善空間，但亦算是用心之作，加上咁特色寬敞嘅環境佈置，不失為一處渡過懶洋洋下午，三五知己聊天的好去處，我亦相信下次有時間去開觀塘區的話，我都會再嚟hea一下。
張貼
