其味煮意 (已結業)

搬咗黎屯門都兩年幾，商場嘅餐廳都已經食到開始厭倦，上網見介紹工廠區有間樓上餐廳，睇介紹話CP值好高，一於今日就同老公去試吓啦，餐廳就喺西鐵站後面行過去都只係三4分鐘位置都尚算方便，餐廳座位都非常闊落，老細介紹原來仲可以book房開party, 今晚我哋order左安格斯牛扒再加三文魚，加$30就可以轉餐，今日嘅餐湯係蘑菇湯，蘑菇味好濃好creamy ,牛扒肉質偏林但係又不失牛肉嘅味道，食得出係有質素，三文魚煎得好香配菜都出色，擺碟都好吸引非常有心機，最鍾意嘅就係火焰雪山，估唔到樓上餐廳都可以有呢一種質素，非常值得大家試吓！