影片
更多
2023-04-10
1101 瀏覽
📌 日月堂 - 觀塘興業街14號永興工業大廈4樓C2室🗓(10/4) 星期一 ⏰ 下午2點左右💈特式：今日係長假期最後一日，就同大家搵食到嚟出名多隱世美食嘅觀塘，有朋友介紹左呢間台灣菜，隱居於工業大廈內，既然咁隱蔽，今日就同大家去探索下。🥩🍔🌭🌮🥗🥯🥘🍲🍝🍣🥟🍤🍱食物：呢間台灣餐廳菜式種類唔算多，但耳熟能詳嘅典型台灣食品佢都有齊，而家等我同大家講下🇹🇼味道先。牛三寶麵 - 呢個一上枱已經聞到好香牛湯底味，份量亦好多，飲完一啖個湯底真係幾欣賞，個湯好香好濃牛味，但飲入口又唔會覺得咸，應該係熬左好耐，跟湯嘅紅/白蘿蔔都已經淋晒好入味；餸就有牛筋/滷牛展/牛筋，肉重牛味同炆得好淋，完全唔韌唔痴牙，牛筋好粗又有咬口；麵質就偏軟身，如果下次再揀我就會選擇加錢轉其他麵底。紅燒豬腳拌麵 - 呢個拌麵嘅蔥油好香，又唔油膩，豬腳夠入味同炆我夠淋，同埋腳毛都清得好乾淨。炸鹽酥雞 - 滿滿一大碟都得抵食，炸得唔算好脆，本身都好夠鹽酥香味，如果想食再重味d，佢枱面仲有鹽酥粉可以自行再加。酥炸魷魚 - 呢個魷魚炸得幾好，炸漿唔厚，上枱亦唔油膩，食完之後個碟都唔見到有油，呢點好欣賞。☕️🍵🥤🧋🍺🍷🥃🍹🧉🍾🍶🥛飲品
🗓(10/4) 星期一 ⏰ 下午2點左右
💈特式：今日係長假期最後一日，就同大家搵食到嚟出名多隱世美食嘅觀塘，有朋友介紹左呢間台灣菜，隱居於工業大廈內，既然咁隱蔽，今日就同大家去探索下。
🥩🍔🌭🌮🥗🥯🥘🍲🍝🍣🥟🍤🍱
食物：呢間台灣餐廳菜式種類唔算多，但耳熟能詳嘅典型台灣食品佢都有齊，而家等我同大家講下🇹🇼味道先。
牛三寶麵 - 呢個一上枱已經聞到好香牛湯底味，份量亦好多，飲完一啖個湯底真係幾欣賞，個湯好香好濃牛味，但飲入口又唔會覺得咸，應該係熬左好耐，跟湯嘅紅/白蘿蔔都已經淋晒好入味；餸就有牛筋/滷牛展/牛筋，肉重牛味同炆得好淋，完全唔韌唔痴牙，牛筋好粗又有咬口；麵質就偏軟身，如果下次再揀我就會選擇加錢轉其他麵底。
紅燒豬腳拌麵 - 呢個拌麵嘅蔥油好香，又唔油膩，豬腳夠入味同炆我夠淋，同埋腳毛都清得好乾淨。
炸鹽酥雞 - 滿滿一大碟都得抵食，炸得唔算好脆，本身都好夠鹽酥香味，如果想食再重味d，佢枱面仲有鹽酥粉可以自行再加。
酥炸魷魚 - 呢個魷魚炸得幾好，炸漿唔厚，上枱亦唔油膩，食完之後個碟都唔見到有油，呢點好欣賞。
☕️🍵🥤🧋🍺🍷🥃🍹🧉🍾🍶🥛
飲品 : 飲品種類都有唔少選擇，大部分台式餐廳有嘅特飲佢地都有，仲可以加錢加唔同配料，例如珍珠/椰果/仙草/蘆薈/苤芽等等，最值得一讚係佢地好貼心咁用外賣杯，如果打工仔食完個快飯就可以攞埋杯飲品返公司慢慢飲，仲要好大杯。
我地今日就叫左一杯黑糖珍珠鮮奶同一杯仙草奶茶，味道同出面街門市珍珠奶茶店味道差唔多，不過我覺得杯黑糖珍珠鮮奶如果多d珍珠就更好了。
🍽環境：可能因為位於工業大廈，餐廳佔地都幾大，環境係主打工業風，配以不少獨特嘅擺設同掛飾，牆上有掛上木板餐牌亦相當有特色，枱凳擺位方面都算寬敞闊落，坐得幾舒適。
🤵🏻🤵🏻♀️🤵🏻♂️服務：店員服務態度好好，可以由職員落單/剔紙仔落單/QR Code落單都得，可能餐廳真係主力做平日打工仔生意，所以上菜好爽手，好快就有野食。
💰💸價錢：叫左兩個主食，兩個小食再加兩杯特飲，埋單$300蚊都唔洗，雖然佢位處工業大廈，租金應該係比較便宜，但食物份量比一般嘅多，質素亦有不俗表現，所以呢個價錢都算合理。
🐲💬總結：呢間台灣餐廳嘅食品種類雖然唔多，但佢就係偏向做好質素，而唔係做多元化，我覺得咁樣都幾好，我估平日佢地應該幾好生意，同埋真香港人應該要支持一下。
推薦指數：❤️❤️❤️❤️❤️
牛三寶麵
$80
49 瀏覽
0 讚好
0 留言
紅燒豬腳拌麵
$60
36 瀏覽
0 讚好
0 留言
炸鹽酥雞/酥炸魷魚
$48
24 瀏覽
0 讚好
0 留言
黑糖珍珠鮮奶/仙草奶茶
21 瀏覽
0 讚好
0 留言
張貼
