錵の工房 (已結業)

星期六下晝行德福，想醫肚，但對商場嘢食冇乜興趣，不如行落去工廈區搵搵。呢間日式上樓cafe喺樓下已經有廣告，就上去睇下先。門口黑板手繪幾靚幾開心。只開日頭，應該主要做呢頭返工嘅人生意，入夜後工廈區就冇乜人了。通常工廈食肆地方都大，呢度都唔例外。據講平日人多到要排隊，不過今日星期六就少咗好多人。白酒牛油汁蜆肉意粉，配個藍橘菠蘿梳打。意粉不比出面啲意粉連鎖店差呀，杯梳打清涼可口。蒲燒鰻魚飯，鰻魚肉好大塊，調味都做得好。呢度嚟個輕食午餐或下午茶，真係唔錯呀。