錵の工房 (已結業)

2019年10月12日（星期六）星期六晏晝要去九龍灣工業區，食飯時間好多食肆都人頭湧湧，唔想等位，一於幫襯工厦食肆。招牌畫工了🉐️，室內佈置別具心思。麻繩繞圈吊著鎢絲燈泡，卦住發泡膠水晶球，好治癒❤️幾米feel油然而生！食物選擇多、中西日式，沙律、意粉、烏冬、漢堡樣樣齊。叫咗兩款日式定食。生羗豚肉定食、鹽燒鯖魚定食都係$55麵豉湯屬清淡式，唔會死咸👍前菜有苦瓜同雲耳，清新可喜！豚肉生羗+埋椰菜絲減膩，如果羗味濃D仲好！燒鯖魚啱啱燒起，脆卜卜、熱辣辣，食到燶邊🐟、魚油香甜，超好送飯雖然搵食路線迂迴曲折，但係小店用心機經營，值得支持。