魔膳廚房 (已結業)

有媒體介紹呢到夜晚轉左做buffet，仲要係有唔少肉類食，當然叫埋朋友一齊黎食睇下正唔正。要行樓梯上一層，但沿路都花左小小心機裝飾牆身。前菜有沙律，芝士，腸。熱燻就有三杯雞，酸菜魚，菠蘿炒飯，手抓餅等等。牛魔王盛宴，有兩款肉同牛舌，牛味比較重，肉質軟腍。串燒雞同泰式魚餅，雞大塊得黎燒得好嫩滑，魚餅有少少辣幾好味。豬羅記公園，豬手好腍好香，豬肉腸唔咸，豬肋骨啲醬汁酸酸甜甜幾開胃。甜品有台式芋圓。糕點大約有8款，仲有即製爆谷同DIY棉花糖。另外每枱都會送盤龍蝦汁海鮮，份量適中。花蛤大隻好厚肉。鮑魚亦都係好厚身，味道唔錯。芋圓每樣都要啲都差唔多一碗，每粒都幾煙韌，連埋雜果涼粉椰奶一齊食好好味。