翟道翟 (已搬遷) 新店位置

父母星期六都要開OT唔得間煮飯，皇恩大赦叫我地3兄妹出街食，緊係要食d特別野，猜拳決定誰作主。最後阿哥帶我地去左工業大廈吃泰國菜，舖頭好普通但碗碟好有特式。阿哥係食肉獸，炭烤沙嗲串拼盤最得佢歡心，豬牛雞每樣有2串。炸魚餅一人一件唔洗爭。冬蔭功蝦湯酸酸辣辣好好味，裡面有好多蝦🦐。泰風味腰果雞肉，好惹味。辣肉碎生菜包，好玩又好吃。阿妹最愛波蘿海鮮炒飯，每次連波蘿肉也刮得一乾二淨。甜品就食芒果糯米飯，芒果香甜，糯米煙韌，椰汁香濃。估唔到工廈都深藏不露。