Hugo Cafe

營業中

休息中

由於男朋友個倉喺火炭附近所以都經常喺火炭附近覓食今次嚟到駿景廣場呢邊發現一間貌似平民嘅高質Cafe。我哋兩個要咗個二人餐，跟餐有龍蝦湯同蘑菇湯都配蒜蓉包，主食要咗豬扒老虎蝦意粉同士多啤梨醬黑毛豬脊骨配薯條，兩款賣相都好吸引分量超多老虎蝦大大隻新鮮肥美，而黑毛豬燒得好嫩滑，肉質腍軟，配上士多啤梨燒烤醬，味道好夾，酸甜開胃。超級推介，而佢配上粗薯條好鍾意。另外再叫咗兩個甜品，因為佢嘅甜品賣相非常吸引，拍得住酒店級數。要咗紐約芝士蛋糕同朱古力軟心蛋糕，紐約芝士蛋糕同我哋平時食開嘅唔同佢係偏軟身芝士味唔會過濃，啱晒做飯後甜品。熱朱古力軟心係我至愛，好有層次，朱古力採用純黑朱古力唔會過甜能夠突出香濃眩惑嘅朱古力味。再加上兩杯飲品整體買單五百幾蚊啱晒情侶食飯。