高興 (已結業)

今日朋友帶我去工業大廈一間西餐廳食午飯，一入門口個感覺同外面環境完全唔同，有一種悠然嘅感覺，可惜過過咗無幾耐，可能係午飯時間，越來越多人入嚟，就變得好迫好嘈。我點左份豆豉鯪魚意大利粉，望落個名好有新意咁，不過嚟到個賣相就唔算太靚，味道一般啦，冇想像中咁特別。另外叫咗個柚子蝦沙律，呢個味道唔錯，有椰香同埋好脆卜卜嘅花生，加埋酸酸嘅柚子汁，非常開胃！呢間餐廳都好多人幫襯，要食就早啲到，食物OK嘅，但座位唔算好舒服， 同埋工廈餐廳都要限時，個人感覺就唔係太好。