影片
更多
2014-08-14
3903 瀏覽
一路都未試過係工廠區內類似私房菜嘅自家小店，今晚就搵咗觀塘工廠區最近有blogger推介嘅<<Friendmily>>餐廳格局似一般樓上café，舒適夠warm + 夠hea feel！驚喜位：餐包竟然係平時唔會跟餐送嘅牛角包！暖暖地食落軟熟煙韌，而且個麵包盤好靚好家庭feel~可惜跟餐湯係普通嘅羅宋湯，襯唔起個包囉！冷盤：南非生蠔做緊Promotion $138店員介紹呢款生蠔after taste好似西瓜味！而生蠔上枱果陣我個fd就話已經聞到西瓜味，我就覺得食完似真係食咗西瓜果陣味喎！勁鮮甜！主菜：1. 紐西蘭香草羊架配意粉可能因為上枱無即刻食，切開好似熟過我地order嘅五成熟......不過肉質仲好嫩滑，一啲羶味都無！配埋薄荷啫喱好perfect架而佢本身跟香草醬汁用黎撈意粉就一流啦！2. 香煎三文魚柳拼薯蓉本身擺碟好靚💝，未食已經好吸引！三文魚煎得剛剛好，望落去表面有Ｄ油，不過係用橄欖油所以入口都唔會油膩！薯蓉雖然份量略少，但係調味清淡反而唔會搶過三文魚嘅風頭！小食：蒜蓉牛油焗青口比起生蠔失色好多💔，不過價格上都幾抵食！
今晚就搵咗觀塘工廠區最近有blogger推介嘅<<Friendmily>>
餐廳格局似一般樓上café，舒適夠warm + 夠hea feel！驚喜位：
餐包竟然係平時唔會跟餐送嘅牛角包！暖暖地食落軟熟煙韌，而且個麵包盤好靚好家庭feel~
可惜跟餐湯係普通嘅羅宋湯，襯唔起個包囉！
冷盤：
南非生蠔做緊Promotion $138
店員介紹呢款生蠔after taste好似西瓜味！
而生蠔上枱果陣我個fd就話已經聞到西瓜味，
我就覺得食完似真係食咗西瓜果陣味喎！勁鮮甜！
主菜：
1. 紐西蘭香草羊架配意粉可能因為上枱無即刻食，切開好似熟過我地order嘅五成熟......
不過肉質仲好嫩滑，一啲羶味都無！
配埋薄荷啫喱好perfect架
而佢本身跟香草醬汁用黎撈意粉就一流啦！
2. 香煎三文魚柳拼薯蓉本身擺碟好靚💝，未食已經好吸引！
三文魚煎得剛剛好，望落去表面有Ｄ油，不過係用橄欖油所以入口都唔會油膩！
薯蓉雖然份量略少，但係調味清淡反而唔會搶過三文魚嘅風頭！
小食：
蒜蓉牛油焗青口比起生蠔失色好多💔，不過價格上都幾抵食！
張貼
