影片
更多
2021-11-13
251 瀏覽
今日放半晝，食完晏去左尖沙咀行街街。 真係快活不知時日過，行下傾下，眨下眼又到左晚飯時間，有人提議去海港城「點一龍」開餐。之前幫襯過位於荃灣如心廣場嘅「點一龍」，反而尖沙咀分店係第一次到訪。餐廳佈置時尚，摩登得嚟又帶點中國風。店內設有落地玻璃，營造出寬敞舒適的空間。先嚟兩客點心晶瑩海蝦餃 ($39) 同 潮州粉果 ($33)，飽滿的蝦餃皮薄適中，每粒都晶瑩剔透，蝦肉鮮爽彈牙，又大又美味。潮州粉果外皮煙韌，內餡有豬肉、蝦米、沙葛、花生和韮菜碎等，用料十足，吃時可蘸少許辣椒油，更添風味。小菜同主食分別點左秘方炆牛腩 ($93) 同 瑤柱 XO 醬煙肉脆脆炒飯 ($103)。牛腩炆得好入味，肉質軟腍鬆化，咬下滑溜嫩口，無渣又富彈性，吃起來鮮香惹味。墊底的生菜味道亦不俗，油亮翠綠，很清甜。另外碟煙肉脆脆炒飯亦做得好有水準，成品加入了乾瑤柱、煙肉片及鮮蝦等材料，再放入已切粒的油條，炒飯的精髓在於採用了自家秘製 XO 醬，令口感與味道更富層次！壓尾再嚟兩客甜品，點左香芒滑布甸 ($44) 同 原汁原味西瓜糕 ($44)。布甸做成小錦鯉模樣，賣相精緻，入口滑嘟嘟，配上花奶，味道更香濃，令人吃得甚滿意
今日放半晝，食完晏去左尖沙咀行街街。 真係快活不知時日過，行下傾下，眨下眼又到左晚飯時間，有人提議去海港城「點一龍」開餐。
之前幫襯過位於荃灣如心廣場嘅「點一龍」，反而尖沙咀分店係第一次到訪。餐廳佈置時尚，摩登得嚟又帶點中國風。店內設有落地玻璃，營造出寬敞舒適的空間。
先嚟兩客點心晶瑩海蝦餃 ($39) 同 潮州粉果 ($33)，飽滿的蝦餃皮薄適中，每粒都晶瑩剔透，蝦肉鮮爽彈牙，又大又美味。
潮州粉果外皮煙韌，內餡有豬肉、蝦米、沙葛、花生和韮菜碎等，用料十足，吃時可蘸少許辣椒油，更添風味。
小菜同主食分別點左秘方炆牛腩 ($93) 同 瑤柱 XO 醬煙肉脆脆炒飯 ($103)。牛腩炆得好入味，肉質軟腍鬆化，咬下滑溜嫩口，無渣又富彈性，吃起來鮮香惹味。墊底的生菜味道亦不俗，油亮翠綠，很清甜。
另外碟煙肉脆脆炒飯亦做得好有水準，成品加入了乾瑤柱、煙肉片及鮮蝦等材料，再放入已切粒的油條，炒飯的精髓在於採用了自家秘製 XO 醬，令口感與味道更富層次！
壓尾再嚟兩客甜品，點左香芒滑布甸 ($44) 同 原汁原味西瓜糕 ($44)。布甸做成小錦鯉模樣，賣相精緻，入口滑嘟嘟，配上花奶，味道更香濃，令人吃得甚滿意。
西瓜糕選用新鮮無籽西瓜肉，提取箇中精華，再加入魚膠粉製成，味道清甜順喉，加上吸睛的造型，用嚟打卡呃 Like 真係一流！吃時可灑少許梅粉提味，更加酸香開胃。
張貼
