Tommy Yummy (元點)

營業中

休息中

近期經常放假都入元朗，搭西鐵入去又快又方便，呢度最啱shopping同埋食嘢，最近yoho開咗個新商場，元點，今日特登去嗰邊試下有咩好嘢食。Tommy Yummy ,餐廳環境非常優雅，裝修得好有格調，喺度食嘢感覺非常舒適。泰式自選湯麵，78元 牛肉丸，豬頸肉，魚片頭金邊粉份量勁多，魚片頭爽口彈牙味道先甜，豬頸肉好爽口，又滑又香豬肉味香濃，牛肉丸爽口彈牙。最正就係個湯底味道香濃。泰式蝦球炒金邊粉 ，蝦嘅size好大隻，肉質爽口，味道鮮甜。金邊粉炒到啱啱好唔會太油膩，配上芽菜花生粒，辣椒粉，增添味道層次，加多少少青檸汁好開胃。泰式蝦餅 ，蝦餅size巨型，炸到啱啱好金黃色，外面香脆，入面仲係好juicy。非常爽口食到舐舐脷。