影片
更多
2024-12-15
764 瀏覽
今日去屯門行山⛰️，回程時朋友話想食放題，於是喺元朗西鐵站落車去形點一期極尚大瀛喜🍱，大約下午五點半特價時段每位268+1服務費，店員即時安排入座，元朗店好闊落，坐位舒適，自助區好鬆動有好多嘢食，熱盆有西蘭花仿鮑片，我覺得好食過真鮑片，仲有炸物、冷盆小食、凍蝦🦐、飲品櫃、糖果、甜品雪糕🍦、點心燒賣、老火湯同糖水……刺身方面好新鮮超有驚喜，感覺比其他地方好，松葉蟹腳🦀淡淡海水超鮮，帶子原粒食落超滿足，象拔蚌厚切口感更爽脆，整體刺身在水準之上。壽司鹽燒左口魚邊有油香，和牛肩胛、蒜香帶子、醬燒蟹棒壽司都好味，壽司飯軟硬同酸度都好適中。燒物試咗醬燒開邊蝦🍤，個醬汁酸酸甜甜，蝦爽彈好惹味，川燒珍寶鮮蠔🦪燒少少辣，炸蒜脆卜卜好美味。炸物 榴槤炸彈濃香，芝士年糕煙煙靭靭，一口芝士滋味濃鬱，芝麻雞翼係放題必點。川味醬爆墨魚條微辣醬濃墨魚彈牙，蒜片牛柳粒蒜片香脆，牛肉味濃而鬆軟，黃金蝦球好爽，咸蛋黃外層好甘香。最後食多幾杯雪糕好滿足。🥰
刺身方面好新鮮超有驚喜，感覺比其他地方好，松葉蟹腳🦀淡淡海水超鮮，帶子原粒食落超滿足，象拔蚌厚切口感更爽脆，整體刺身在水準之上。
壽司
鹽燒左口魚邊有油香，和牛肩胛、蒜香帶子、醬燒蟹棒壽司都好味，壽司飯軟硬同酸度都好適中。
燒物試咗醬燒開邊蝦🍤，個醬汁酸酸甜甜，蝦爽彈好惹味，川燒珍寶鮮蠔🦪燒少少辣，炸蒜脆卜卜好美味。
炸物 榴槤炸彈濃香，芝士年糕煙煙靭靭，一口芝士滋味濃鬱，芝麻雞翼係放題必點。
川味醬爆墨魚條微辣醬濃墨魚彈牙，蒜片牛柳粒蒜片香脆，牛肉味濃而鬆軟，黃金蝦球好爽，咸蛋黃外層好甘香。
最後食多幾杯雪糕好滿足。🥰
張貼
