莎樂美餐廳

營業中

休息中

莎樂美聽咗好多年，但一路都冇試過 。有啲朋友話佢哋啲扒係唔會食得晒㗎 (好似好誇張咁喎)咁等我今日去挑戰下先 ，餐牌有好多款揀，最後決定咗叫鐵板洋蔥豬扒餐同鐵板夏威夷雞扒餐。鐵板餐嚟之前有餐包同餐湯，可以揀羅宋湯/ 周打魚湯 。好快過扒就到啦，一上枱真係嘩出聲同講咗句:我應該食唔晒。雞扒有兩大舊，而豬扒有三大塊，你仲可以揀白飯或者意粉。扒下面仲有我好鍾意食嘅薯菜，最後我真係食唔晒。收晒所有野之後，仲有雪糕送呀，不過我係食晒杯雪糕嘅 。我仲見到隔離枱有人食什扒餐，而個份量仲誇張 (我好似大鄉里出城咁)。不過呢度嘅扒真係份量多，價錢又實惠。