Burgeroom (美麗華廣場1期) (已結業)

香港食burger既店鋪好多，但數到又大份又好食既burger店，非burgeroom莫屬。今次去左尖沙咀分店。Burgeroom算係半自助式，自己去收銀嗰度下單俾錢之後職員就會送上食物，我地等左兩三分鐘，食物就陸續送上。店鋪算大，雖然位拍得有啲密，但樓低高，空間感都足夠。最令人印象深刻係有車軚做裝飾，好特別。首先職員送上兩款小食，旋風薯條炸到好香脆，而且唔油膩，好味過mcdxxxxx 既扭扭薯條。另外一款係鱈魚手指配他他醬，炸得脆之餘食落唔粉，鱈魚非常幼嫩，可見食物材料上乘。我叫左煙肉芝士牛肉漢堡，一拿起手，沙律醬同牛肉肉汁即係瀉出黎，大到要用刀叉食，係另一種享受。牛肉juicy，牛味好重，肉質剛剛好，完全唔韌。burgeroom 既bacon cheese burger真係食極都唔厭！我女朋友叫左軟殼蟹漢堡，軟殼蟹粉漿唔厚，非常脆卜卜，咬落鬆脆，且唔油膩，脆卜卜既軟殼蟹加上軟軟既麵包係perfect match! 咁多食物都係$300內，食完非常滿足，荷包都好健康。