波士冰室 (已結業)

放假的好節目就係食。食完午餐無幾耐，又想食個下午茶，於是去了波士冰室。假期要等位係預咗，好彩唔使等好耐，10分鐘啫。下午茶餐有9款選擇。選了T4和T12。T4係熱狗皇，睇個名都知佢唔嘢少，當佢來到時，都差點俾佢嚇到心都離一離，有咩理由會咁大隻? 呢隻巨無霸熱狗，大到必須至少切開三大份才可以食到。T12係雪菜魚片銀絲米粉配丹麥多士。魚片質素唔差，幾爽口彈牙。湯底幾鮮味，可能係因為有蝦米。丹麥多士其實係充滿牛油香味的厚多士，非常好食。至於，奶茶和咖啡味道都OK。