味道樂居酒屋 (元州街) (已結業)

小編去嘅時候係放飯時間，所以等位都要等一陣。等位期間已經有店員幫我地落order，慳番d時間。未食之前見到98蚊一個鰻魚飯，其實仲有d猶疑。不過一入去未坐低，已經見到店員將啲前菜放左係枱面，等我地埋位，已經大大大加分。店內裝修都幾有特色，放咗好多日本酒同埋燈籠， 放唔到假去日本玩，都可以黎呢間居酒屋打卡。Lunch set😋前菜：麵豉湯，沙律，燉蛋😋原條成田醬炭火燒鰻魚飯 ($98 加一)店主話呢款鰻魚係佢地專登訂番黎，好足料， 亦都好厚肉。條鰻魚真係好大條，燒得幾香，唔會燒到好乾身。值得一提嘅係條鰻魚冇乜骨，所以食得好暢快。唯一可以改善嘅地方就係條鰻魚唔係超入味，同d醬汁好似分開咁， 如果鰻魚 可以入味d就100分。食完真係好滿足好飽，比較細食嘅建議share食再加其他小食。鍾意食鰻魚嘅你一定要試下。🔎味道樂居酒屋🍽長沙灣元州街498號青華閣地下C舖