影片
更多
2018-01-27
939 瀏覽
番工放飯break，諗住去食個豪華早餐嘅吉列魚柳，點知最後成肚氣咁走20分order咗自己同另一同事A嘅極品早餐，30分再幫同事order多三個普通早餐大約35分左右同事A嘅餐已經嚟齊，40分左右嗰三個普通早餐都嚟晒d蛋，包同餐飲去到45分我忍唔住，好聲好氣向個帶圓幼框眼鏡，紥低馬尾嘅阿姐問：唔該可唔可以幫我跟下個魚柳啊，我趕時間啊點知個阿姐一句兇埋嚟：你張枱大把野都未到啦！！我都忍住怒火話：所以我咪催下你囉！之後佢冇應我就走咗到50分我坐其他枱嘅同事都食晒準備走喇，我又問下阿姐，佢又愛理不理話聲好就走咗去到55分，我都就嚟遲到，就再問多次，佢又係hea應我隔咗一兩分鐘，佢終於行過嚟，丟低四個字：冇魚柳喎一句唔好意思都冇，態度仲要帶d不屑我真係火都嚟，問佢：冇魚柳你唔一早講？要我等足咁耐？佢仲好理直氣壯話：我啱啱先知咋喎我又問佢：我落單超過半個鐘，你宜家先話啱啱知我個餐冇？？咁之前問你三次你又唔講？佢仲大聲過我話：我啱啱親自落樓幫你問架！之後仲即刻話你知啦！我真係嬲到震，同佢講：你喺度番工，唔係你問唔通我要自己入廚房問啊？佢仲諸多藉口，態度極差，半點唔好意思都冇，最後仲類似講咗句咁廚房
20分order咗自己同另一同事A嘅極品早餐，30分再幫同事order多三個普通早餐
大約35分左右同事A嘅餐已經嚟齊，40分左右嗰三個普通早餐都嚟晒d蛋，包同餐飲
去到45分我忍唔住，好聲好氣向個帶圓幼框眼鏡，紥低馬尾嘅阿姐問：唔該可唔可以幫我跟下個魚柳啊，我趕時間啊
點知個阿姐一句兇埋嚟：你張枱大把野都未到啦！！
我都忍住怒火話：所以我咪催下你囉！之後佢冇應我就走咗
到50分我坐其他枱嘅同事都食晒準備走喇，我又問下阿姐，佢又愛理不理話聲好就走咗
去到55分，我都就嚟遲到，就再問多次，佢又係hea應我
隔咗一兩分鐘，佢終於行過嚟，丟低四個字：冇魚柳喎
一句唔好意思都冇，態度仲要帶d不屑
我真係火都嚟，問佢：冇魚柳你唔一早講？要我等足咁耐？
佢仲好理直氣壯話：我啱啱先知咋喎
我又問佢：我落單超過半個鐘，你宜家先話啱啱知我個餐冇？？咁之前問你三次你又唔講？
佢仲大聲過我話：我啱啱親自落樓幫你問架！之後仲即刻話你知啦！
我真係嬲到震，同佢講：你喺度番工，唔係你問唔通我要自己入廚房問啊？
佢仲諸多藉口，態度極差，半點唔好意思都冇，最後仲類似講咗句咁廚房冇魚柳又唔關我事咁你想點啫之類嘅說話
我真係把鬼火，問佢：宜家你究竟乜態度啊？我白等咗35分鐘，乜都冇得食，宜家咁樣係咪我錯先！？邊個有問題啊！
佢先至好晦氣話：我錯囉！
後尾d同事勸我食其他餐，唔好白白浪費飯鐘。阿姐又話早餐A/B都都冇，我就嗌咗C餐。點知後嚟聽隔離枱嗌B餐佢又冇話冇喎！都唔知佢有心玩我定最後隔離枱又重蹈我覆轍呢
之後一路食，嗰個阿姐仲一路大大聲同佢d同事呻，俾說話我聽，話：真係衰啊無啦啦俾人鬧一輪，又唔係我錯，關我乜事啫。唔怪得一路都請唔到人啦，服務業係咁慘喇成日要受人氣乜乜物物⋯⋯一路單打我直到我走
究竟係乜公司，容許員工態度咁惡劣，搞到好似真係我錯咁。本身想同佢老闆反映，但睇到呢度咁多差評又心諗：如果老細唔係包庇點會養到d員工咁惡咁囂張吖嘥氣，以後非必要真係唔會再去囉！！
張貼