Rice Paper (已結業)

又與另一老友慶祝，行到邊食到邊，在星期二weekday情況下，竟然好旺場，只有僅餘一個二人位，而且對正海景，真係好彩。牛油果軟殼蟹米紙卷-軟殼蟹勁脆、外層的米紙卷不算太厚，幾煙韌。不過牛油果太薄身，食唔出味道。付上濃濃橙味的醬汁，但我認為不沾無何醬汁就最好食。食完牛油果軟殼蟹米紙卷未夠喉，再order炸軟殼蟹，外層只有薄薄的炸粉，仍然炸得香脆。龍蝦湯-蝦味香濃，但分量極少，而且只有兩粒細細的龍蝦肉。香茅羊扒-賣相唔多吸引，食落又唔錯，肉質算鬆化。香菇蒜蓉炒西蘭花-老友覺得唔好食，我認為OK，至少西蘭花煮得夠爽口。漏了單的柚子沙律幸好最後才到，酸酸甜甜來幫助消化一下。甜品要了是日特價的香蕉布甸配蜜糖脆雪榚，蜜糖雪榚味道與雲呢拿差不多，但有脆脆蜜糖作點綴，特別增加口感，香蕉布甸是一件濕了的香蕉蛋榚，質地比較結實，味道頗甜，幸好香蕉味香濃。還叫了一客熱情果雪榚，味道比較酸，質感似雪芭，還有一粒粒的熱情果籽。其實輪食物同環境唔錯，但在大集團的管理下，點解侍應們的服務態度同質素唔多掂。