影片
更多
2017-10-28
396 瀏覽
本身想食美味佳，但好多人驚有排等所以去左食哩間串燒王。我地3個人去食。1.食物等候時間長達一小時由夜晚10點幾開始坐低叫野食，第一轉叫個蒜蓉茄子，等左半個幾鐘上黎話搞錯，隔離個枱既先岩，同我地講下一個就係我地。佢既下一個係連後面個枱都上左我地個枱都未上黎。再堡之後等左差唔多成個鐘先上番個茄子俾我地。2.服務態度非常差去到23:40分我地落第3轉野食，都已經唔知落左咩。到左12:15分 我地準備走 因為佢仲有野未黎 ，咁就同個男（負責人）講，我地未黎既野食唔要，我地趕住走（趕住坐尾班車）！佢話等多陣好快黎，咁又係等。再催，我話唔要喇我要埋單，即刻睇爭咩即刻俾哂啲野食俾我。咁我地其中一個人走左我地食唔哂都諗住帶走。執整好哂，俾哂錢諗住走啦。無啦啦又送多兩碟野食黎話我地後尾叫。我地話都已經俾哂錢同講左未黎既都cut左單，佢地就要求我地要俾埋錢。佢攞張單黎，已經係差唔多成個鐘前落既野食，到我走個刻先送上黎。我地當然唔會俾錢，因為我地20分鐘前已經埋左單講好未上既cut左佢，佢個男職員話我佢地岩岩張單先送到入去整出黎，之前睇唔到，咁我當然話關我地咩事，哩啲係你地既責任黎。最過分係單上面除左聖子同
本身想食美味佳，但好多人驚有排等所以去左食哩間串燒王。
我地3個人去食。
1.食物等候時間長達一小時
由夜晚10點幾開始坐低叫野食，第一轉叫個蒜蓉茄子，等左半個幾鐘上黎話搞錯，隔離個枱既先岩，同我地講下一個就係我地。佢既下一個係連後面個枱都上左我地個枱都未上黎。
再堡之後等左差唔多成個鐘先上番個茄子俾我地。
2.服務態度非常差
去到23:40分我地落第3轉野食，都已經唔知落左咩。
到左12:15分 我地準備走 因為佢仲有野未黎 ，咁就同個男（負責人）講，我地未黎既野食唔要，我地趕住走（趕住坐尾班車）！佢話等多陣好快黎，咁又係等。再催，我話唔要喇我要埋單，即刻睇爭咩即刻俾哂啲野食俾我。咁我地其中一個人走左我地食唔哂都諗住帶走。執整好哂，俾哂錢諗住走啦。無啦啦又送多兩碟野食黎話我地後尾叫。我地話都已經俾哂錢同講左未黎既都cut左單，佢地就要求我地要俾埋錢。佢攞張單黎，已經係差唔多成個鐘前落既野食，到我走個刻先送上黎。
我地當然唔會俾錢，因為我地20分鐘前已經埋左單講好未上既cut左佢，佢個男職員話我佢地岩岩張單先送到入去整出黎，之前睇唔到，咁我當然話關我地咩事，哩啲係你地既責任黎。最過分係單上面除左聖子同帶子其他個幾樣我地都冇叫過。之後仲鬧番我地轉頭。真係嬲到一個極點！
之後講唔掂數後尾仲話我地埋完單再加單！之後就想走數。
張單清清楚楚寫到明23:40我地落單，我已經勉為其難等左接近35分鐘，都算，張單落到佢送到黎已經一個鐘後既事。唔知點解都仲可以屈我地埋單仲要落單，講到好似我地錯哂咁。咁起初我都同佢講清楚要埋單未黎既都唔要。佢自己都幫我計好哂整好哂埋哂單。
之後嘈多兩嘈就話只係需要俾帶子同聖子錢。
本身都覺得好諗住俾，點知個男職員又嘈話我地埋完單又加單，態度極差。之後我地同個女職員講本身都想俾，依家$1都唔會俾，講到我地錯哂咁，佢地冇責任！
佢話佢地入單慢，咁關我咩事？我已經埋好咩單俾哂錢。
之後嘈得西利有警察黎，我就話唔介意警察黎評理，佢地又話唔洗同唔好。
其實真係好嬲，開開心心同朋友食餐飯就俾佢地咁既態度同速度影響哂。
所以大家千其唔好再去哩間野！
差到不得了！
簡直俾錢買難受！
雖然我都體諒佢地忙同多人，但我每樣野都等左成個鐘我都仲冇發脾氣好聲好氣同你講野，個男職員仲要屈番我轉頭。我係真心嬲到震！
仲要我地平平無其最貴都係食左2隻帶子同佢後來逼我地要帶走個2隻帶子同聖子，其他都係普通既肉同蔬菜。都食左我地每人$226！
夾埋成張單用左成$6xx！
哩個價錢我食到餐放題或自助餐！
仲洗係街邊坐係馬路食串燒同食氣咩！
所以係以後都唔會再去哩間野度食野同受氣！
最後個個女職員話叫番佢地道歉我先俾！
仲要連廚房個個都鬧人！話唔要就唔好叫啦！我叫左已經差唔多一個鐘你先黎，仲好意思同人講等20分鐘就可以！真係冇諗過上得咁慢，又貴又唔好食仲要咁差既態度！佢間野就賺到笑，我地就嬲到喊！
哩間野真係不可一不可再！
簡直係過份！
第一次食野咁受氣，第一次要寫食評就係因為食左哩間野！
張貼