博多拉麵別天神 (已結業)

還記得以前經常出沒銅鑼灣，此店開幕之初，都曾經排隊食過一次，店舖非常窄小，格局都真係幾似日本街頭巷尾的拉麵小店，應該只能坐六至八個人吧，唔太記得個時吃了哪款拉麵，只記得味道的確不錯，成碗湯飲晒。之後雖有再食過，但因為實在經常性大排長龍，再加上一蘭拉麵攻港亦落戶銅鑼灣，所以甚少再幫襯別天神了。能夠屹立十二年亦不容易，店家話牌照問題不能再營業，趁關門前再來食一碗，而且臨別在即凡惠顧者都有小禮物，頗有心意。點了碗豚骨湯麵，湯底飲得出絕對無味精，味道濃郁不會過咸，拉麵煮得軟硬適中，豚肉叉燒兩大塊尚算不錯，糖心蛋就有少許過熟不夠流心。希望此店繼續加油，盡快有新店好消息。