我愛伊斯坦堡 (已搬遷) 新店位置

約左個非常喜歡飲咖啡既朋友食飯，即刻好想推薦佢黎呢間餐廳。雖然係第二次黎，但仍然覺得所有擺設、餐具都係好靚。我地揀左個5 items再另加雪糕。好開心可以學整土耳其既沙律，又可以同餐廳既負責人傾下計，係依家好多餐廳都無，呢d先叫做招呼。個沙律係好好味，有少少蒜香又酸酸地。再黎係焗雞。朋友話未食過咁滑既雞🤣其實所有食物都好好味。特別推薦沙律、焗雞、焗大菇、土耳其咖啡及雪糕。如果點咖啡，餐廳仲會示範俾你睇係點整，又會介紹土耳其既文化，好有心。而且仲有貓貓玩，非常開心既一餐。絕對會再黎。