Mamaday (已結業)

Mamaday出品必屬佳品，今次第一次嚟到銅鑼灣呢一間嘅mamaday 分店，好早已經聽人講過呢一間分店係咁多間環境最舒適，我都覺得係！燈光光猛，打卡好睇，地方寬敞，玩味Cafe，印象10分良好！🌸黑到爆炸墨魚圈墨魚滑墨汁燉飯炸魷魚圈有三件，每一件都十分之爽口，都幾香脆！出去食墨魚汁好多時都會比較鹹，呢道菜完全冇呢個問題，有淡淡墨魚汁鮮味，唔會太水太稀，反而令整個意大利飯吸收墨魚汁精華，係encore之選！🌸點解個個都叫軟殼蟹pizza 㗎答案好簡單，原因真係好吸引呀同埋好好食！落單之後都要等，有機會係新鮮製，等待係值得嘅，軟殼蟹pizza大大隻，外皮炸香，內裏Juicy，再加埋有菠蘿在Pizza面頭，好清新，Pizza底係薄批，咬落去薄脆，仲有千島醬喺上面，味道協調！🌸原味芝麻雞翼呢個同樣有驚喜，雞翼皮好脆，一啖一邪惡，特別欣賞上面灑上芝麻，增加口感豐富程度，調味相當用心，即使係原味，都比坊間嘅雞翼好吃很多倍！呢間玩味Cafe已經多次回頭，精靈搞怪，食物質素相當不俗，我已經變成左佢嘅fans，隔幾個月就encore 一次，身邊朋友都大贊！