榮記粉麵

營業中

休息中

銅鑼灣渣甸街另一間榮記粉麪的車仔麵都很出名，每次經過門口都係大排長龍。由我中學時代已經已有幫襯，但係最近這一年嘅質素越來越差。可能比遊客吹捧，以前又只收現金，依家都接受收支付寶。這裡座位比較狹窄，坐得好迫同一定要搭枱，大家都係屈起摺埋自己食😂。如果沒有特別指明湯底的話，店舖就會比腩汁湯底，入店後一坐低你就要諗好食乜嘢，他們餸方面有很多選擇，如果你坐低左仲諗緊食乜嘢，職員就會催你落單加反你白鴿眼。今日竟然中午時段來，已經豬紅沽清，非常之失望。最後我叫了豬大腸同魚肉春卷河粉，個碗都好細，進食有少少困難，河粉一夾上黎準備食就斷開曬，個湯汁，非常濃，食完後會非常口渴。店舖有最低消費每人$41，大家要留意。職員態度非常差，付款時慢一點都會催。