The Point (已結業)

為幫姊妹報120蚊之仇，今次嚟到案發現場銅鑼灣The point 享受美食，哈哈哈哈。今次與好姊妹瓊姐開懷暢食，先叫會set lunch 有意大利香草烤茄子沙律及香蒜辣椒白酒大蜆扁意粉。WOW...意大利香草烤茄子沙律，烤茄子好甜，沒有很重燒烤嘅燶味，加上醋汁配沙律菜，相當開胃。香蒜辣椒白酒大蜆扁意粉，真係好香香辣辣，惹味非常，大蜆超鮮甜， 扁意粉軟硬度適中，食到我同瓊姐高舉大拇指。 跟住瓊姐話好想食龍蝦芝士通粉，因為好姊妹就係敗佢手上。經廚房精心烹調，賣相美麗的龍蝦芝士通粉用鐵板煎plan上擡，單睇賣相已經攞滿分啦～味道仲。。。。。超級美味， 龍蝦肉質彈牙， 通粉煙韌，每粒通粉都沾滿龍蝦汁，好香濃呀～瓊姐仲食到要自拍食相放係IG story, 公開滋味食相，引誘未食飯或已食飯嘅好朋友，機心多重啊～甜番薯條配香辣沙律醬， 番薯條炸得香香脆，滴油不沾，梗係要用手食，好食到連儀態都不顧。至於杯餐飲，菠蘿特飲都算ok。埋單都係共3百幾蚊，每人約200蚊有找，價錢算合理，而且仲好好食添。