影片
更多
2019-01-20
367 瀏覽
巴黎夢幻之旅到我拍板約朋友去食飯，上網research發現呢間Mini Club好似幾吸引，今次一於去呢到試下先~Mini Club位於銅鑼灣地鐵站C出口對面，十分就腳。到達餐廳，環境有情調，浪漫嘅燈光加上柔和的背境音樂，對住巴黎鐵塔食野真係第一次，簡直好似致身於巴黎鐵塔下享用美酒佳餚，有別於一般餐廳單調的感覺。適合三五知己休閒相聚，情人約會首選。餐牌上美食款式多，我哋掙扎咗一輪，最總決定叫一個海鮮拼盆， 火焰西班牙黑毛豬鞍扒，狂野摩天輪， 霸王軟殼蟹配法式紅醬意粉，同試埋鎮店美食The Love of Eiffel。職員效率很快，點菜後5分鐘就先上飲品~What the Duck+Perfume of Rosses。你睇淨係外型就知呃得下like la~~海鮮拼盆比想像中大同新鮮，六種海鮮 （龍蝦半隻、生蠔三粒、青口四個、鮑魚兩隻、蝦 、螺）鮮味無窮，配埋個秘製茄汁更加鮮味。霸王軟殼蟹原來真係幾霸架，同碟意粉一樣大 原隻炸軟殼蟹鋪喺意粉上面，唔講仲以為隻蟹偷食緊意粉tim。唔好以為炸咗嘅蟹係唔新鮮，mini club真係真材實料，就算炸物都仲有鮮味。火焰西班牙黑毛豬鞍扒，上枱短短幾秒
到我拍板約朋友去食飯，上網research發現呢間Mini Club好似幾吸引，今次一於去呢到試下先~Mini Club位於銅鑼灣地鐵站C出口對面，十分就腳。
到達餐廳，環境有情調，浪漫嘅燈光加上柔和的背境音樂，對住巴黎鐵塔食野真係第一次，簡直好似致身於巴黎鐵塔下享用美酒佳餚，有別於一般餐廳單調的感覺。適合三五知己休閒相聚，情人約會首選。
餐牌上美食款式多，我哋掙扎咗一輪，最總決定叫一個海鮮拼盆， 火焰西班牙黑毛豬鞍扒，狂野摩天輪， 霸王軟殼蟹配法式紅醬意粉，同試埋鎮店美食The Love of Eiffel。
職員效率很快，點菜後5分鐘就先上飲品~What the Duck+Perfume of Rosses。你睇淨係外型就知呃得下like la~~
海鮮拼盆比想像中大同新鮮，六種海鮮 （龍蝦半隻、生蠔三粒、青口四個、鮑魚兩隻、蝦 、螺）鮮味無窮，配埋個秘製茄汁更加鮮味。
霸王軟殼蟹原來真係幾霸架，同碟意粉一樣大 原隻炸軟殼蟹鋪喺意粉上面，唔講仲以為隻蟹偷食緊意粉tim。唔好以為炸咗嘅蟹係唔新鮮，mini club真係真材實料，就算炸物都仲有鮮味。
火焰西班牙黑毛豬鞍扒，上枱短短幾秒火焰燒起，簡直有如魔術一樣，燒完，香噴噴的美食味四散，食得~ 黑毛豬厚切，口感唔會韌，肉身燒完仍然好多汁，加上沙律菜配埋，為下一道炸物美食清清熱氣先，十分周到。
狂野摩天輪，Design一流，五款狂野炸物坐係摩天輪等緊入我口～ 乍看之下以為係普通食物，本來打算試一啖就skip，但一咬之下唔捨得俾佢停，原來內有乾坤，炸物絕非一般街邊小食肉丸蝦丸，原來又係新鮮海鮮天婦羅，帶子海蝦生蠔攞去炸，絕不油膩，亦不失鮮味。
最後黎到枱柱出場~The Love of Eiffel，無食過千其唔好同人講黎Mini Club, 鐵塔一出場煙霧四散, 簡直如致身巴黎鐵塔尖端看雲一樣夢幻，引唔住手又要影多幾張相。
總結，呢間色香味軀全的餐廳仲有咁多道菜未試食，下次真係要約埋朋友黎多幾次先得！！
張貼
