Beeger (已結業)

呢間小店係條暗黑巷仔度，唔係得朋友介紹話呢間burger 正，真係好易行過左。 估唔入到去又幾熱鬧，是夜有波踢，都好爆場，好在預先book 左檯，我就揀左個『珍寶磨菇手打牛肉漢堡』，而男友就要左個『流心芝士牛肉漢堡』，嘩! 有成大版特式啤酒，之前蘭桂芳啤酒節，我試左好多奇怪味啤酒，可惜今日抱病，乖乖點左杯薄荷茶 我個珍寶磨菇漢堡嚟先，哈哈! 原來我誤會左唔係個漢堡Jumbo，係個磨菇Jumbo，個磨菇同包一樣咁大，而且好厚，咬落好juicy，個漢堡d肉同出面有d唔同，唔係免治搞碎，係部分切絲，嗯…幾好咬口! 讚! 個流心芝士牛肉漢堡，芝士就少左D, 不過都非常軟熟香口，其實我好鍾意佢個麵飽皮，甜甜地有麥香，中和左漢堡肉嘅油膩，薄荷茶就係現成茶包，驚喜唔大，但有通到我個鼻塞。 總括來講，我覺得呢間小店D食物幾有Heart，下次會再來試埋D 啤酒