影片
更多
2021-07-10
570 瀏覽
之前睇Kiki＆May介紹過呢間隱藏係西灣河一個小巷嘅咖喱蛋包飯，要坐係後巷開張枱嚟食，好似幾有風味咁，呢日就係烈日當空下🔥都嚟朝聖吓🤣雖然係後巷入面，不過lunch time都有唔少人嚟，多數係外賣，堂食嘅話姐姐會開張枱比你，環境比想象中乾淨，地方幾企理整潔，坐係度食都唔需要好擔心衛生問題👌🏻芝士咖喱蛋包飯呢度主打咖喱蛋包飯，可以揀有冇芝士，另外仲有個肉燥飯。30幾40幾蚊就有大大個飯再送飲品，價錢經濟💲難怪吸引埋學生妹嚟食。蛋包飯份量都幾大，兩個細食嘅人share都ok🤪面頭嘅蛋好滑，咖喱汁份量好多，夠送飯有突，味道甜甜辣辣，係經典日式咖喱嘅味道。入面嘅炒飯用豉油炒過，入面有幾舊大條啲嘅豬肉，鹹鹹地調味唔錯，係豬肉單食會食得出鬆肉粉味，夾埋咖喱食都ok。芝士要加$5不過存在感極低，唔係太覺。整體嚟講味道唔算有驚喜，如果咁啱係西灣河都可以一試，專登嚟就不必。檸汁特飲附送嘅飲品可以揀呢個檸汁特飲，用檸檬汁製成，酸酸甜甜，夏天飲幾解渴。人均消費：$40推介指數（10分為滿分）：7分
芝士咖喱蛋包飯
呢度主打咖喱蛋包飯，可以揀有冇芝士，另外仲有個肉燥飯。30幾40幾蚊就有大大個飯再送飲品，價錢經濟💲難怪吸引埋學生妹嚟食。蛋包飯份量都幾大，兩個細食嘅人share都ok🤪面頭嘅蛋好滑，咖喱汁份量好多，夠送飯有突，味道甜甜辣辣，係經典日式咖喱嘅味道。入面嘅炒飯用豉油炒過，入面有幾舊大條啲嘅豬肉，鹹鹹地調味唔錯，係豬肉單食會食得出鬆肉粉味，夾埋咖喱食都ok。芝士要加$5不過存在感極低，唔係太覺。整體嚟講味道唔算有驚喜，如果咁啱係西灣河都可以一試，專登嚟就不必。
檸汁特飲
附送嘅飲品可以揀呢個檸汁特飲，用檸檬汁製成，酸酸甜甜，夏天飲幾解渴。
人均消費：$40
推介指數（10分為滿分）：7分
張貼
