德國餐廳 (已搬遷) 新店位置

奧運經常都會黎但大多都係係奧海城活動同食野奧海城以外既餐廳就完全無概念。今日突發想發掘下奧海城以外既餐廳就誤打誤撞入左去呢間德國餐廳。入到去餐廳坐座位唔算太多但就坐滿晒大多係office既人收工黎聚一聚，見到枱枱都點德國咸豬手但因為朋友唔太好所以就點其他。德國超級香腸拼盤共有4款2白2紅最出名當然有紐倫堡腸同白香腸，紐倫堡腸足足有成個盤咁長，相反白香腸較短但腸外既羊腸衣好脆口一咬開卜一聲之餘內裏香腸油份慢慢滲出。另外短少又粗身紅肉腸咬落微辣內裏香腸油份高肉又飽滿，雖然有少少油膩但加上德國菜名物酸椰菜之後幫助解膩。法式燒春雞雖然係燒但仍然做到外皮十分脆，雞肉好多汁又香高温燒熟下仍然鎖住肉汁雞肉下有炸好既連皮薯角入口薯味香又夠粉。棉花糖朱古力上杯面鋪滿左大大粒棉花糖而棉花糖上再加上朱古力醬底下原本平平無奇既朱古力因而增添更多風味朱古力既苦再加上棉花糖既甜變成左一份甜品。