點·子·巷

營業中

休息中

依間小店喺條巷仔裏面，地點有啲難搵，但係試過你就會知道係值得嘅。裝修以粉紅色玫瑰金同埋雲石做主色，係我最鍾意嘅顏色，食到食得開心啲。阿婆蔥油雞絲拌蕎麥面: 見到其他blogger話係世界級好食，所以試下係咪真係咁正。雖然用簡單便宜食材，但係調味醬汁香濃，配上嫩滑雞絲，真係好有驚喜。之後嘅食客想叫嘅時候竟然賣唒，所以大家記得早啲黎呀溏心雙蛋：半生熟膏狀蛋黃，完全無蛋腥味。桂花酒香藥膳雞窩：真係好重酒香，飲完即係暖晒，雞嘅調味比較淡，最後飲到一滴都無淨。蝦醬腩肉虎夾包：個包好鬆軟，肥美腩肉配上咸香蝦醬，好想encore多一個。羅漢果茶：飲得出係自家煲，真材其實料，好清甜。洛神花果茶：酸酸地，可以解油膩。