影片
更多
2018-11-18
94 瀏覽
北角錦屏後街近年成為覓食新地標，皆因這條小巷，不單環境幽靜，而且還藏著好幾間不同 Style 的美食店，由串燒、車仔麵、正宗星馬菜、以至手工意菜等，應有盡有。這晚友人相約一聚，就選了錦屏街這間「Soul9+」，原來店名係指餐廳嘅靈魂人物、90 後廚師兼老闆，可真後生可畏。餐廳嘅設計甚具特色，用上湖水藍為主調，再以室內的木檯、皮椅、盡頭的英倫風電話亭、牆上的木結他、單車造型掛鐘等作襯托，裝潢既復古又懷舊，影相位多不勝數，啱曬年輕人來打卡拍照。先細看餐牌，項目包括有沙律、頭盤、意粉、意大利飯、主菜、小食、薄餅及漢堡，另外亦有一份 Drink List，選擇非常豐富。食物全部散點，不過如果揀意粉、意大利飯或主菜，+$48 便可升級為套餐，享有是日餐湯及沙律。留意到餐牌上有部份菜式被標註為：相機食先、推介菜式、人氣菜式等；哈哈，「相機先食」，完全抓住了時下年輕人的心，睇嚟店主喺食物的賣相上應該下過一番功夫。Fruit Soda ($38) Iced Coffee ($38) 兩個人吃得不多，就簡簡單單，揀個意大利飯同主菜，再轉成套餐。趁餐湯未上，先各自點杯飲品解解渴。是日餐湯係黑松露忌廉湯，
北角錦屏後街近年成為覓食新地標，皆因這條小巷，不單環境幽靜，而且還藏著好幾間不同 Style 的美食店，由串燒、車仔麵、正宗星馬菜、以至手工意菜等，應有盡有。這晚友人相約一聚，就選了錦屏街這間「Soul9+」，原來店名係指餐廳嘅靈魂人物、90 後廚師兼老闆，可真後生可畏。
餐廳嘅設計甚具特色，用上湖水藍為主調，再以室內的木檯、皮椅、盡頭的英倫風電話亭、牆上的木結他、單車造型掛鐘等作襯托，裝潢既復古又懷舊，影相位多不勝數，啱曬年輕人來打卡拍照。
先細看餐牌，項目包括有沙律、頭盤、意粉、意大利飯、主菜、小食、薄餅及漢堡，另外亦有一份 Drink List，選擇非常豐富。食物全部散點，不過如果揀意粉、意大利飯或主菜，+$48 便可升級為套餐，享有是日餐湯及沙律。留意到餐牌上有部份菜式被標註為：相機食先、推介菜式、人氣菜式等；哈哈，「相機先食」，完全抓住了時下年輕人的心，睇嚟店主喺食物的賣相上應該下過一番功夫。
Fruit Soda ($38) 
Iced Coffee ($38) 兩個人吃得不多，就簡簡單單，揀個意大利飯同主菜，再轉成套餐。趁餐湯未上，先各自點杯飲品解解渴。
是日餐湯係黑松露忌廉湯，湯身非常幼滑，入口散發著陣陣黑松露幽香，味道不錯。接著嘅沙律，賣相亦十分討好，沙律菜新鮮爽口，而油醋汁亦清新宜人，非常醒胃，再加上甜美多汁的車厘茄，雖然配搭很簡單，但已令人食指大動。
餐牌上有三款意大利飯可供選擇，對海膽、鵝肝興趣不大，反而看中了這款價錢十分親民嘅焗龍蝦尾有機蘆筍意大利飯 ($138)。碟意大利飯果然有睇頭，龍蝦尾 size 雖然不大，但外形看起來既精緻又高貴，唔怪得這道菜被標示為「相機食先」啦！龍蝦肉食落爽身帶甜， 而 risotto 亦軟硬適中，粒粒分明有咬口，完全沒有過膩的感覺，配上結實帶爽的蘆筍，令菜式更清新健康。
主菜方面，選了煎北美銀花鱸魚、烤雜菜、松露忌廉薯蓉 ($168)，鱸魚柳一客有兩大件，旁邊伴有雜菜同薯蓉，分量勁足，絕不欺場。先切開魚肉品嘗，質地非常嫩滑，既肥美又無細骨，入口充滿魚鮮味，而外皮亦煎得甚有水準，金黃香脆，令人吃得津津有味。至於伴吃的薯蓉，味道亦不俗，creamy 幼滑但又唔會太膩口，連埋沙律菜食，感覺好清新。兩款菜式都做得很不錯，價位好、質素高，睇得出店主好用心去經營，而且店員殷勤有禮，亦會主動介紹菜式，服務態度很好，絕對值得推薦。
張貼
