影片
更多
2011-09-20
26 瀏覽
上星期師傅突然間好想坐底飲杯台式飲品, 但就諗唔到有咩好選擇, 皆因呢期都係興攞住杯野四圍飲, 行左一陣咁啱望到呢間食店, 其實平時師傅見到呢間食店係唔會入去, 不過是夜要求的是台式食店, 可以坐底的選擇並不多, 加上師傅仍未食晚飯, 就決定入去試一試!入到去坐底就睇下有咩好食啦, 其實入得台式食店, 師傅就最鍾意食肉燥飯, 見個餐牌有散叫或套餐, 套餐仲可揀杯十七蚊嘅台式飲品, 睇落去好似好抵, 於是師傅就柯打左五香鹵蛋肉燥飯跟餐, 而飲品當然係師傅嘅至愛青蘋果綠茶啦!落完單唔使兩分鐘, 飯同飲品都放左喺師傅面前! 望一望碟五香鹵蛋肉燥飯, 師傅當堂嚇一嚇, 之後又驚一驚, 心裡面亦寒一寒, 皆因個賣相超衰, 冇錯, 唔止衰, 仲要係超衰嗰隻; 係望左一眼之後, 師傅當場連胃口都冇晒, 直頭想即刻起身鬆人, 但為免一眾港女覺得師傅以貌取人咁膚淺, 於是還是決定乖乖地坐下來, 和呢碟五香鹵蛋肉燥飯角力!師傅唔再多講賣相, 有相為証嘛(証明幾衰)! 成所謂一鼓作氣, 再而衰, 三而竭…… 於是師傅就一鼓作氣地將肉燥飯先放入口, 發現個汁係非常之杰, 同師傅當時嘅情況簡直一樣, 杰到冇朋友
入到去坐底就睇下有咩好食啦, 其實入得台式食店, 師傅就最鍾意食肉燥飯, 見個餐牌有散叫或套餐, 套餐仲可揀杯十七蚊嘅台式飲品, 睇落去好似好抵, 於是師傅就柯打左五香鹵蛋肉燥飯跟餐, 而飲品當然係師傅嘅至愛青蘋果綠茶啦!
落完單唔使兩分鐘, 飯同飲品都放左喺師傅面前! 望一望碟五香鹵蛋肉燥飯, 師傅當堂嚇一嚇, 之後又驚一驚, 心裡面亦寒一寒, 皆因個賣相超衰, 冇錯, 唔止衰, 仲要係超衰嗰隻; 係望左一眼之後, 師傅當場連胃口都冇晒, 直頭想即刻起身鬆人, 但為免一眾港女覺得師傅以貌取人咁膚淺, 於是還是決定乖乖地坐下來, 和呢碟五香鹵蛋肉燥飯角力!
師傅唔再多講賣相, 有相為証嘛(証明幾衰)! 成所謂一鼓作氣, 再而衰, 三而竭…… 於是師傅就一鼓作氣地將肉燥飯先放入口, 發現個汁係非常之杰, 同師傅當時嘅情況簡直一樣, 杰到冇朋友; 汁裡面有好多彊絲, 味道就十分之濃, 正常汁裡應該係有好多肉燥, 可惜師傅搵左好耐, 肉燥真係唔多覺, 幾粒肉粒就有, 而冇肉燥咁比啲咩呢, 咪就係冬菇粒, 將啲肉燥撈飯, 口裡面除左飯就係冬菇, 相信呢一餐亦係師傅吃得最多冬菇的一餐! 至於鹵蛋有兩隻, 蛋就真係鹵得幾入味, 入味得有少少過咸; 但當師傅品嚐到咁嘅肉燥時, 亦不得不想下佢地嘅鹵蛋點解可以咁入, 唯一稍為合理嘅解釋係 “賣唔晒”! 只有賣唔晒先可以將隻蛋不停地鹵, 從而導致更入味; 雖然以上都係猜測, 但師傅肯定一件事, 就係五香鹵蛋肉燥飯好唔得! 至於杯青蘋果綠茶就不過不失, 有茶味和青蘋果嘅香味, 而味道就頗甜, 可以啦!
總括黎講食物質素真係不敢供圍, 地方係光猛, 枱面同椅子都較為細少, 服務一般, 價錢就唔貴, 四十五蚊一個套餐, 淨係杯飲品都要十七蚊, 廿八蚊食碟咁樣嘅五香鹵蛋肉燥飯, 食店方面就真係好好搵, 但師傅就覺得唔抵食喇! 當日師傅真係唔知發左咩野神經, 盲中中咁入左去呢間食店, 究竟為咩呢? 師傅到呢一刻都唔知點解, 不過就好肯定一樣野係以貌取人係必須的, 肯定絕對唔會再黎同埋咸臉比梗呀!
張貼
