IBURI smoke.sumibiyaki.bar (已結業)

食物：味道幾好，串燒好多雞嘅唔同部位，包括比較特別嘅雞冠、雞頸、提燈，但太太太多油，一串串燒可以抹到成隻碟都係油環境：我哋三個坐吧枱，吧枱另一端有四五個客，同埋後邊有張大枱七八個客，都飲酒飲到high晒不斷狂叫，音量係酒吧劈場猜枚嘅程度，侍應介紹食物講乜聽唔到，我哋三個亦都完全傾唔到偈。最激氣係侍應廚師冇叫嗰兩台客細聲啲之餘，仲陪客人飲埋一份，叫大家不醉無歸。如果係居酒屋setting就無所謂，但而家係omakase Menu18樣食物，就算我哋想走都仲有好多食物未嚟。最後要叫餐廳快快脆脆上埋剩返嗰啲，串燒未食完就上炊物，趕頭趕命咁食🤦🏻‍♀️埋單每位$900+（包括$688 omakase set, 加提燈、牛舌、飲品）價錢算合理，但真係嘈到完全enjoy唔到啲食物，如果諗住食飯傾偈就更加千祈唔好去。