Shelter Italian Bar & Restaurant (已結業)

係希慎食飯，不嬲都覺得唔會期望有咩驚喜，不過呢度個海鮮拼盤真係唔錯，青口、龍蝦、蠔，蝦、帶子都有，而且味道好好同新鮮，不過可惜既係可能用水喉水沖過，有少少味。同埋頭盤實在太正喇，令我有少少期待之後既野食，點知pizza又唔係太特別，加上因為一早約左人食糖水就無係度叫甜品。可以再講下既係環境，我鐘意佢個花圃個設計，好靚，加上食飯果陣都有少少花香味，感覺上幾得意同特別！而且下次黎可以我會試下飲品，因為見到網上Ｄ人都幾推介飲品！