城軒中菜廳 (已結業)

今日同几個同事一齊食飯,突然好想食點心,就諗住近近地去城大酒樓其實都唔係第一次黎,每次食完都希望佢地明天會更好~! ~_~ 今次都唔例外..喺門口等左好耐,可能唔係學生OR城大職員,所以冇first pass..就算有位都唔會比我地先~~噢~呢到正可以做到’’遲黎先上岸’’!終於有位啦~坐底可以點菜,服務員好快幫我地開好茶,雖然話D茶應該係即叫即開,奇怪都唔係水滾茶靚..不過我志在食點心~呢D小事唔緊要LA!4個人叫左個4人餐另加枱面推介’’四川口水鷄’’燒味拼盆 – 白切鷄叉燒鹵水豆腐各4 件咁就叫燒味拼盆?!白切鷄睇落好瘦,食落好靭,又細件,冇咩鷄味,叉燒勁瘦冇肥肉,鞋口,鹵水豆腐係最保守既款式,我最中意呢樣~水晶蝦餃皇 – 皮太厚,而且唔係原隻蝦,係蝦粒仔~勝在上枱時仲係熱騰騰,食落一D都唔腥,燒賣皇 – 味道好一般,豬肉味好重,冬菇味好少,正好似食燒賣皮包豬肉,…叉燒腸粉 – 真係令人意外!!枌皮太多太厚又唔滑,裡面只有零星小叉燒粹,差D以為自己叫左齋腸粉~上湯菜芯 – 煮得太耐,老晒~食起黎好多喳四川口水鷄 – 稱聲係本月推介.咁我地就試一試LA!點知中伏~第一次食到唔辣既四