齊柏林熱狗店 (鱟地坊) (已結業)

除咗漢堡包，其實我都好鍾意食熱狗，記得好多年前銅鑼灣總統戲院後面有間熱狗專門店，啲狗非常好食，可惜好快就關門大吉😔。好彩而家有齊柏林。齊柏林熱狗店雖然算得上係連鎖店（現共六間分店），但係佢嘅質素估唔到相當之高，仲好抵食。叫咗個澳式風情熱狗套餐，面頭係非常濃郁嘅芝士同香甜嘅千島醬，配料有菠蘿同煙肉，至於條腸係紐倫堡豬肉腸，全部食材出奇地夾，再配埋烘得微脆嘅熱狗包，成隻狗由頭到尾都咁好味😋。 小食我揀咗薯條同烤菠蘿，薯條係粗薯條，薯味夠，有咬口，好正；烤菠蘿就有少少失準，可能顧客太多，烤嘅時間唔夠，菠蘿只係微暖，影響口感。唔知幾時開到嚟九龍灣呢🤗？