靠得住粥麵小館 (黃大仙中心北館)

營業中

休息中

襯打波前有個空檔，諗住係附近快速地食少少野，又唔想食太飽，所以就周圍搵啲輕食。咁啱經過靠得住，見佢入邊有麵果類嘅嘢食，咁就入去試吓。入到去見到Menu，極速地揀咗一隻鹹肉糭，再叫多咗一碗皮蛋瘦肉粥。餐後感：鹹肉糭：要問佢先會比砂糖，仲要比得一包，慳住食岩岩好夠用。皮蛋碎肉粥：估唔到碗粥幾「綿」，皮蛋又比想像中多，都幾值得推介。有少少建議就係服務質素可以好少少，我哋喺門口等位嘅時候，明明有職員見到我哋，但係都唔會主動行埋黎同我哋帶位。要等門口reception姐姐返埋位，佢幫我地安排座位後職員先會帶位。如果唔係比較想食中餐就應該會過咗對面嗰間餐廳度食。