Pancake House HoiHoi (Megabox) (已結業)

幾年過去，呢間曾經好多人排隊嘅pancake店......依然係有人排隊。$148 春季限定嘅水果梳乎理，驚人嘅價錢帶黎唔驚人嘅質素。Cream充分體現香港新特色----唔甜，起呢一刻，我真係要爆啦。究竟大家點解想食甜品？咪就係因為嗰「甜」字囉，你依加又唔比我選擇，一黎就唔甜。大佬呀，我想食吓甜品姐，你地班友想食唔甜就咪鬼食甜品啦，「甜」品呀！！！！！！水果質素ok，普遍唔酸。cream唔甜，我個人覺得一入口嗰陣有小小乳酪味。梳乎厘pancake還是挺不錯，鬆得黎仲有蛋香(其實唔可以話好鬆，ok啦)$148 抹茶忌廉梳乎厘少許紅豆，不過很甜，夠味。pancake同上面一樣，少鬆加蛋香味。抹茶忌廉極多，淹沒左整舊pancake，可惜其實味道只可謂普通，絕對稱唔上好味。cream自身都係唔甜，帶一點點抹茶嘅苦澀，冇層次。抹茶忌廉撞上梳乎厘pancake，並冇帶黎化學反應，只係普通嘅1+1=2。建議大家嘗試其他。總結: 我如無意外應該唔會再食第二次，$148高昂嘅價格使我卻步，排隊嘅時間使我感到不值。